Монгол улсын Засгийн газрын 2022 оны 12 дугаар сарын 28-ны өдрийн 499 дүгээр тогтоолоор Засгийн газрын хэрэгжүүлэгч агентлаг – ТӨРИЙН ЦАХИМ ҮЙЛЧИЛГЭЭНИЙ ЗОХИЦУУЛАЛТЫН ГАЗАР байгуулагдсан. Өнөөдөр Төв аймаг дахь төрийн цахим үйлчилгээний “ХУРДАН” цэгийн нээлт боллоо.
![](https://khurdan.gov.mn/wp-content/uploads/2023/05/image-9-1024x682.png)
“ХУРДАН” цэг нь хүн, хуулийн этгээдэд төрийн үйлчилгээг “ХУРДАН” шуурхай, хүртээмжтэй байдлаар хүргэх зөвлөгөө, мэдээллээр хангах, үйл ажиллагааг боловсронгуй болгох, хяналт тавих чиг үүргийг хэрэгжүүлж ажиллаж байна.
![](https://khurdan.gov.mn/wp-content/uploads/2023/05/image-10-1024x683.png)
Өнөөдрийн байдлаар “ХУРДАН” цэгээс лавлагаа тодорхойлолтын 94 үйлчилгээ, нийт 39 байгууллагын 440 үйлчилгээг үзүүлж байна. 2023 онд тус үйлчилгээг нэмэгдүүлж 55 байгууллагын 790 үйлчилгээг нэвтрүүлэхээр төлөвлөн ажлаа эхлүүллээ. “E-Mongolia” болон Төрийн цахим үйлчилгээний зохицуулалтын газар хамтран ажиллаж 21 аймагт 393 цэг, Улаанбаатар хотод 61 цэг, хилийн боомтын 3 цэг, дипломат төлөөлөгчийн газрын 47 цэг нийт 504 цэг байгуулахаар ажиллаж байгаагын нэг нь төв аймаг дахь “ХУРДАН” үйлчилгээний цэг юм. Төв аймгийн 27 сум, хүн амын төвлөрөл ихтэй 6 суманд 2019 оноос эхлэн E-Mongolia үйлчилгээг нэвтрүүлэн лавлагаа болон олон шатлалт үйлчилгээг тогтмол үзүүлж байна.
![](https://khurdan.gov.mn/wp-content/uploads/2023/05/image-11-1024x682.png)
Цаашид:
- Мэдээллийн технологи, цахим систем ашиглан төрийн үйлчилгээг шуурхай, хүртээмжтэй ажлыг нэгдсэн зохион байгуулалтаар хангах
- Төрийн үйлчилгээг хүргэхэд шаардлагатай бүрдүүлбэрийг цөөлөх, шат дамжлагыг бууруулах боломжийн талаар судлах.
- Төрийн үйлчилгээг ил тод, ХУРДАН шуурхай, НЭГ ЦОНХООР хүртээмжтэй хүргэх.
- Цахим ур чадварыг нэмэгдүүлэх шаардлагатай зорилтот бүлгийн иргэдэд төрийн үйлчилгээг ойрын цэгээс авах боломжийг бүрдүүлэх.
- Төрийн үйлчилгээний процесс, шат дамжлага, бүрдүүлэх бичиг баримтыг бууруулах талаар судлах, холбогдох мэргэжлийн байгууллагуудтай хамтран хэрэгжүүлэх.
Төрийн үйлчилгээний чанар, стандартыг хангах чиглэлээр ажиллах юм.
![](https://khurdan.gov.mn/wp-content/uploads/2023/05/image-13-1024x682.png)
![](https://khurdan.gov.mn/wp-content/uploads/2023/05/image-12-1024x682.png)