Төрийн 51 байгууллагын 467 төрлийн үйлчилгээг иргэдэд шуурхай хүргэдэг “Хурдан” цэгийг өнөөдөр Сүхбаатар дүүргийн 18-р хороо, Бэлхийн автобусны эцсийн буудлын байр болон 16-р хороо, Тоосгоны үйлдвэрийн автобусны эцсийн буудал дээр байгуулж нээлээ. Ингэснээр 16-р хорооны 11 мянга, 18-р хорооны 9 мянга гаруй иргэнд төрийн үйлчилгээ улам ойртож байна.
![](https://khurdan.gov.mn/wp-content/uploads/2024/03/image-1-1024x639.jpg)
Өмнө нь тус хороодын иргэд Чингэлтэй дүүргийн 14-р хорооны байранд байрлах “Нийслэлийн үйлчилгээний нэгдсэн төв”, Чингэлтэй дүүргийн “Жижиг дунд үйлдвэрлэлийг дэмжих төв”-ийн байранд байрлах “Нийслэлийн үйлчилгээний нэгдсэн төв” рүү 5-8 км замыг туулж төрийн үйлчилгээг авдаг байсан юм.
![](https://khurdan.gov.mn/wp-content/uploads/2024/03/image-4-1024x640.jpg)
Төрийн цахим үйлчилгээний зохицуулалтын газар Нийслэлийн 46 цэг, орон нутгийн 81 цэг, хилийн чанад дахь Дипломат төлөөлөгчийн газрын 24 улсын 38 цэг, хилийн боомтын 1 цэг, нийт 166 цэгээр дамжуулан хүн, хуулийн этгээдэд төрийн цахим үйлчилгээг хүргэж байна.
![](https://khurdan.gov.mn/wp-content/uploads/2024/03/image-6-1024x671.jpg)